Les muyeres y los homes que dan rellumu al arte pictóricu asturianu protagonicen ElKalendariu2021 de LaKadarma.

Toes conocemos a artistes grandes d'orde mundial, pero ¿habrálo más guapo qu'espublizar y compartir l'arte que tenemos a la vera casa?

Por eso, nesta ocasión quiximos dar visibilidá al arte del país. Representamos, dende'l nuesu enfoque y colos nuesos recursos, obres de personaxes d'Asturies como son: Marixa, Julia Alcayde, Mariano Moré o'l pernomáu Evaristo Valle.

La MazKarada va ser una edición llimitada que podéis acutar nel espaciu que veis embaxo.  Ye un almanaque de 8 fueyes peles dos cares con 13 semeyes, colos meses en grande y colos sos recuadros p'apuntar l'axenda y los planes de caún.

El preciu de venta direuta va ser de 7€ y nes modalidaes online, a 10€ (más gastos d'unvíu).