Por Rodri Joglar
Un saludu a toes y a toos! Con esti post vamos entamar el blog de LaKadarma, una seición na que diremos poniendo dellos artículos d'interés relacionaos con temes de relevancia pa la banda y los sos componentes.
Por eso, p'arrancar préstanos dar anuncia de que'l prósimu sábadu 13 d'ochobre, a partir de les 18:30 hores, tendrá llugar en Ribeseya el “I Festival de Bandes de Gaites Villa de Ribadesella. Memorial David Mateos “Puru”.
Pa nós, ye un gran arguyu compartir cartelu con dalgunes de les meyores bandes de gaites del panorama asturianu como son la Banda de Gaites “Candás”, la Banda de Gaites “Xácara” y los anfitriones, la Banda de Gaites “Ribeseya”.
El festival ta entamáu pola BGRibeseya, cola collaboración del ayuntamientu de Ribeseya y constitúi una apuesta clara pola música de gaita y, en concretu, poles bandes de gaites del país.
Pa LaKadarma ye amás una actuación mui especial, ya que como munchos yá sabéis, compartimos cola BGRibeseya deyos componentes, amás de munches folixes y una gran amistá. Eso por nun falar del préstamu de timbales y bombu que nos faen, el cuál aprovechamos p'agradecer dende equí, al igual qu'a la Banda de Gaites “Llariegu” poles sos caxes d'alta tensión.
Gracies a tol mundu! Esperamos vevos a toos el día 13 en Ribeseya, siguíi al tantu de les nuestres novedaes nesti blog, en facebook y twitter!!
Escribir comentario
Samu (miércoles, 26 septiembre 2012 18:04)
Esperemos pasalo como de costumbre... jejeje.